Davlat elektr energiyaning tannarxini subsidiyalashni davom ettirmoqda
Bu haqida Energetika vazirligi maʼlum qildi.
Vazirlikning bildiriishicha, hozirgi vaqtda 1 kVt·soat elektr energiyasining tannarxi 895 so‘mni (QQS bilan 1 002 so‘mni) tashkil etadi.
Aholiga yetkazib berilayotgan har bir kVt·soat elektr energiya uchun 200 kVt·soatgacha bo‘lgan isteʼmol (bazaviy meʼyor) doirasida 552,4 so‘m (55% subsidiya), 201 kVtdan 1000 kVt·soatgacha esa 102,1 so‘m (10% subsidiya) davlat tomonidan har bir isteʼmolchiga qoplab berilmoqda. Shuni hisobiga isteʼmolchilar har bir kVt·soat uchun “imtiyozli” narxda, yaʼni 450 so‘m (QQS bilan)dan haq to‘laydilar.
▪️Iyun oyida 71 foiz aholi 200 kVtgacha elektr energiyasi isteʼmol qilgan, yaʼni bazaviy meʼyor doirasidan chiqmagan.
▪️22 foiz isteʼmolchi 201 kVt·soatdan 1000 kVtgacha isteʼmol qilgan va 900 so‘mdan haq to‘lagan.
▪️Qolgan 7 foiz aholi 1001 – 10 000 kVt·soat elektr energiyasi isteʼmol qilib, 1 350 so‘mdan to‘lovlarni amalga oshirgan.
