Quvaytda yirik neft koni topildi
Uning zaxiralari 3,2 mlrd barrel.
Quvayt neft korporatsiyasi Fors ko‘rfazidagi Failaka oroli sharqida yangi “Al-Nohata” neft koni topilganini eʼlon qildi.
Hisob-kitoblariga ko‘ra, konning zaxiralari 3,2 milliard barrelni tashkil etadi, bu mamlakatning uch yillik neft ishlab chiqarishining umumiy miqdoriga teng.
Maʼlumot uchun, Quvayt dunyodagi eng yirik neft zaxiralariga ega davlatlardan biri hisoblanadi. 2022 yilgi maʼlumotlarga ko‘ra, u ushbu ko‘rsatkich bo‘yicha oltinchi o‘rinni egallagan. Mamlakatning umumiy neft zaxiralari 100 milliard barreldan ortiq bo‘lib, jahon umumiy zaxiralarining 6,55 foizini tashkil etishi taxmin qilinadi.
