Habib Nurmagomedovning mol-mulki xatlandi
Bunga uning soliq qarzlari sabab bo‘lgan.
Rossiyada Sud ijrochilari UFC sobiq chempioni Habib Nurmagomedovning 79 mln rublga teng mol-mulkini xatladi.
Mahalliy nashrlarga ko‘ra, bunga sportchining Federal soliq xizmati (FSX) oldidagi 302 mln rubl miqdoridagi qarzi sabab bo‘lgan.
Sud ijrochilari tomonidan olib qo‘yilgan mulklar ro‘yxatida Nurmagomedovning Dog‘istondagi uyi, shuningdek, 6 ta qimmatbaho avtomobili bor.
Avvalroq FSX Habib Nurmagomedovning soliq, penya va jarimalarni to‘lamagani uchun bank hisob raqamlarini hibsga olgandi. Bundan tashqari, soliq xizmati sportchining bir qancha kompaniyalarini, jumladan, turizm faoliyati bilan shug‘ullanuvchi ofisoni yopgan. Bunga rasmiy hujjatlardagi ishonchsiz maʼlumotlar sabab bo‘lgani aytilmoqda.
