Hasanboy Do‘smatov ikki karra Olimpiada chempioni bo‘ldi
Shu tariqa delegatsiya hisobiga 3-oltin medal yozildi.
Boks bo‘yicha O‘zbekiston terma jamoasi aʼzosi Hasanboy Do‘smatov (-51 kg) ikki karra Olimpiya o‘yinlari chempioni sharafiga muyassar bo‘lgan ilk o‘zbek bokschisiga aylandi.
Hamyurtimiz hozirgina yakunlangan chempionlik jangida mezbon bokschi Bilal Bennamani mag‘lub etib, delegatsiyamizga Parij-2024 yozgi Olimpiya o‘yinlarining oltin medalini taqdim etdi.
Eslatib o‘tamiz, avvalroq taekvondo bo‘yicha Ulug‘bek Rashitov ham ikki karra Olimpiya o‘yinlari g‘olibligini qo‘lga kiritib, bu borada birinchi o‘zbekistonlikka aylangandi.
Kun avvalida 45-o‘rinda turgan O‘zbekiston delegatsiyasi Parij-2024dagi medallarini 5 taga (3 ta oltin, 2 ta bronza) yetkazib, umumjamoa hisobida 18-pog‘onaga ko‘tarildi.
