''Tolibon'' afg‘on ayollariga yana taqiq qo‘ydi
Bu safargi taqiq savdo-sotiq bilan bog‘liq.
“Tolibon”ning Ezgulikni targ‘ib qilish va illatlarning oldini olish vazirligi ayollarga nisbatan cheklovlarni kuchaytirdi. Jumladan, ayollarga sotuvchilar bilan savdolashish taqiqlandi.
“Tolibon”ning ayrim viloyatlardagi axloq politsiyasi erkaklarga xotinlari borasida tegishli buyruq chiqargan. Ular ayollar sotuvchilar bilan savdolashganida, ularning ovozi begona erkaklar tomonidan eshitilishi va bu “erkaklarni yo‘ldan ozdirishi”ni da’vo qilgan.
Axloq politsiyasi o‘zlarining yangi qonunlarini amalga oshirish uchun zo‘ravonlik va repressiyalarni kuchaytirgani aytilmoqda. Fuqarolar qonun ijrosi yuzasidan jiddiy xavotir bildirgan. “Tolibon” ayollar qo‘lqop kiyib, yuzini to‘liq berkitishi kerakligini ta’kidlagan.
