Pokistonni qalin zaharli tutun qopladi
U millionlab odamlarning sog‘lig‘iga tahdid solmoqda.
Pokistonning sharqiy hududlari, xususan, 127 million aholi istiqomat qiluvchi Panjob provinsiyasini ko‘mir elektr stansiyalari va dalalarda yonayotgan o‘tlardan chiqadigan zaharli tutun qamrab olgan.
Mintaqada havo sifati yomonlashgani sababli rasmiylar maktablar va jamoat joylarini yopishga majbur bo‘ldi.
Panjob poytaxti, mamlakatning ikkinchi yirik shahri bo‘lgan Lahor o‘tgan oy dunyodagi eng ifloslangan shaharlardan biri deb topilgan edi.
Ekologik vaziyat yomonlashishda davom etmoqda va bu mahalliy aholi va hokimiyat vakillarini jiddiy tashvishga solmoqda.
