Hindistondagi shifoxonada yong‘in yuz berdi
Oqibatda 10 nafar chaqaloq vafot etgan.
Hindiston shimolidagi Jansi shahrida joylashgan tibbiyot kollejining neonatal reanimatsiya bo‘limida yong‘in sodir bo‘ldi. Oqibatda kamida 10 nafar yangi tug‘ilgan chaqaloq vafot etgan, yana 16 nafarining ahvoli og‘ir ekani aytilmoqda.
Mahalliy maʼmuriyat rasmiysi Avinash Kumarning aytishicha, yong‘inning taxmin qilingan sabablaridan biri qisqa tutashuvdir.
Hindiston bosh vaziri Narendra Modi voqeani “yurakni ezuvchi” fojia deb atadi.
“Begunoh farzandlarini yo‘qotganlarga chuqur hamdardlik bildiraman”, - deb yozadi u X IJtimoiy tarmog‘ida.
