TikTok Amerikada faoliyatini to‘xtatishi mumkin
Bu shaxsiy maʼlumotlar xavfsizligi bilan bog‘liq.
TikTok 19 yanvardan boshlab 170 million amerikalik foydalanuvchi uchun ishlashdan to‘xtashi mumkin, deya xabar bermoqda The New York Times nashri.
"Agar AQSH maʼmuriyati Apple va Google kabi kompaniyalar TikTokni mamlakat hududida tarqatganlik uchun jazolanmasligiga kafolat bermasa, TikTok o‘z faoliyatini to‘xtatadi. Qo‘shma Shtatlar rasmiylari Xitoy hukumati TikTok‘dan amerikalik foydalanuvchilarining maʼlumotlarini to‘plash yoki kontentni Pekin foydasiga taʼsir qilish uchun foydalanishi mumkinligidan xavotir bildirmoqda", deb yozadi nashr.
The New York Times‘ning qayd etishicha, Donald Tramp rahbarligidagi yangi maʼmuriyat vaziyatni o‘rganib chiqqanidan so‘ng, TikTok bo‘yicha yakuniy qarorni qabul qiladi.
