Neymar vataniga qaytmoqda
Uning Saudiyadagi omadsiz faoliyati yana davom etadimi?
Neymarning Saudiya Arabistonidagi hikoyasi yakunlandi. 1,5 yil davomida braziliyalik futbolchi “Al-Hilol” safida atigi yettita o‘yinda (jami 428 daqiqa) maydonga tushib, bitta gol urgan. 2023-yilning yozida klub Neymar uchun "PSJ"ga 100 million yevro to'lagan. Futbolchining oyligi 150 million yevroni tashkil etgan. Endi esa forvard o'zining vataniga qaytmoqda.
“Al-Hilol” matbuot xizmati 27-yanvar, dushanba kuni Neymar bilan shartnomani bekor qilganini ma’lum qildi. Ijtimoiy tarmoqlarda xayrlashuv imkon qadar tor doirada o'tkazilgani ma'lum bo'ldi. "Al-Hilol" va Neymar o'zaro kelishuvga ko'ra shartnomani bekor qilishga kelishib olishgan. Saudiya Arabistoni klubi megayulduz futbolchi bilan shartnoma imzolashda butunlay boshqacha natijaga umid qilgandi. Ammo Neymarga jiddiy jarohatlar halaqit berdi. 2023-yilning oktabr oyida u Braziliya terma jamoasi jiddiy jarohat olgandi.
"Al-Hilol" bir yil davomida Neymarning qaytishini kutdi. 2024-yilning 21-oktabr kuni u “Al-Ayn” bilan OChL o‘yinida maydonga tushdi. Ikki haftadan so'ng esa yana jarohat oladi. Bu safar u sonini shikastlab oladi. “Al-Hilol” rahbariyatining esa shundan so'ng sabri tugab borayotgandi. 2025-yil boshida esa jamoa bosh murabbiyi “Al-Hilol” endi jarohat oladigan 32 yoshli Neymar bilan hisoblanmasligini ma'lum qildi.
Xorxe Xesus, "Al-Hilol" bosh murabbiyi
"Neymar jamoaning chempionlik uchun ro'yxatiga kiritilmagan. U Osiyo chempionlar ligasida qatnasha oladi. Saudiya Arabistoni chempionati dunyodagi eng yaxshi musobaqalardan biri hisoblanadi. “Al-Hilol”ning barcha futbolchilari Yevropaning istalgan klubida o‘ynashi mumkin. Neymar endi biz xohlagan darajada o'ynay olmaydi”.
"Footmercato" nashrining xabar berishicha, Neymar 2024-yilda atigi 42 daqiqa o‘ynab, 101 million yevro ishlab topgan. Yil boshida OAV darhol Neymarning kelajagini muhokama qilishda boshladi. Variantlar orasida birinchi bo'lib "Inter Mayami" paydo bo'ldi. Klub bosh murabbiyi Xaver Maskerano braziliyalik futbolchi haqida quyidagi fikrlarni bildirgan: "Biz Neymar haqida gapira olmaymiz. U ajoyib futbolchi. Dunyodagi har qanday murabbiy Neymarni o'z jamoasiga olishni xohlaydi, lekin siz MLSning maosh qoidalarini yaxshi bilasiz. Bu unga to'g'ri kelmasligi mumkin".
Shuningdek, "Barselona"ning Neymarga qiziqayotgani haqida xabarlar paydo bo'ldi. Biroq, kataloniyalik klubi sport direktori Deko braziliyalik futbolchining qaytishini rad etgan. Natijada forvard uchun "Santos" varianti paydo bo'ldi. Klub Neymar va uning atrofidagilarni turli yo'llar bilan qaytishga ishontirdi. Xabarlarga ko'ra, "Santos" rahbarlari ajoyib reja bilan murojaat qilishgan. "Santos" uchun Neymar hatto moliyaviy imtiyozlarga ham rozi bo'lgan. Qayd etilishicha, braziliyalik futbolchi "Santos" bilan besh oylik shartnoma imzolaydi. Biroq, u JCh-2026gacha uzaytirilishi ham mumkin.
Neymarning o'zi sobiq jamoasiga qaytishi haqida quyidagicha fikr bildirgan.
"Faoliyatim davomida hech narsadan afsuslanmayman. Barcha xatolar, hayotiy qarorlar o'sishimga va yetuk futbolchi bo'lishimga qaratilgan edi".
