Jahon

SMS orqali tanishib baxtli yashab kelayotgan juftlik

Er-xotin hayotda baxt kutilmagan joydan kelishi mumkinligiga ishonishadi.

SMS orqali tanishib baxtli yashab kelayotgan juftlik

Donovan va Kirsti Shirs butunlay tasodifan tanishishgan. Mobil telefonlarning ilk davrida fotosurat yuborish imkoniyati bo‘lmagani sababli, yoshlar o‘zlarini matn orqali tasvirlashga majbur bo‘lishgan.

 

Donovan Shirs 1998-yilda 18 yoshga to‘lganida ilk mobil telefonini sovg‘a sifatida olgan. O‘sha davrda ijtimoiy tarmoqlar mavjud emas edi, shuning uchun odamlar vaqt o‘tkazishning o‘ziga xos usullarini izlaganlar.

 

Donovan shunchaki tasodifiy raqamga "Salom" degan oddiy xabarni yuborishga qaror qiladi. Tez orada unga Kirsti ismli ayol javob qaytaradi. U Donovan yashaydigan hududdan 160 kilometr uzoqda yashagan.

 

"Men bu xabarni o‘zim raqamimni bergan odamdan kelgan deb o‘yladim. Shunchaki: 'Salom, bu kim?' deb javob berdim", — deb eslaydi Kirsti.

 

Shundan so‘ng, bo‘lajak juftlik muntazam yozisha boshlaydi. Ular o‘rtasida surat almashish imkoniyati bo‘lmagani sababli, tashqi ko‘rinishlarini faqat matn orqali tasvirlab berishlariga to‘g‘ri kelgan.

 

"Men undan qanday ko‘rinishda ekanligini so‘radim. U esa bo‘yi 198 sm ekanligini aytdi. Men esa 'Rostdan ham shunday bo‘lishi mumkinmi?' deb o‘yladim. Va haqiqatdan ham, erim juda baland bo‘yli, u meni aldamagan ekan", — deydi Kirsti.

 

Olti oy davom etgan yozishmalardan so‘ng, Donovan va Kirsti nihoyat shaxsan uchrashishga qaror qilishadi. Donovan uni kechki ovqatga taklif qiladi. Ushbu uchrashuv ularning sevgi hikoyasining boshlanishiga aylangan.

 

2002-yilda juftlik turmush qurib, baxtli hayot kechira boshlaydi. Hozirda ularning ikki farzandi bor: to‘qqiz yoshli o‘g‘li Stirling va olti yoshli qizi Alora. Er-xotin hayotda baxt kutilmagan joydan kelishi mumkinligiga ishonishadi.

 

"Kirsti ajoyib ayol, u juda aqlli, biz bir-birimizni juda yaxshi tushunamiz. U mening eng yaqin do‘stim", — deydi Donovan.

 

Komila Odilova tayyorladi

Buyuk Britaniya Isroil kompaniyalariga sanksiya kiritdi: ular G‘arbiy Sohilda noqonuniy uy qurgan

Buyuk Britaniya Isroil kompaniyalariga sanksiya kiritdi: ular G‘arbiy Sohilda noqonuniy uy qurgan

Sanksiyalar G‘azoga insonparvarlik yordami yetkazilishiga to‘sqinlik qilayotgan ko‘chmanchilar guruhiga nisbatan ham qo‘llanilgan.

Zaporijjya viloyatidagi hujum oqibatlari: 72 kishi halok bo‘lgan

Zaporijjya viloyatidagi hujum oqibatlari: 72 kishi halok bo‘lgan

Ukrainaning Zaporijjya viloyatidagi Kamishevaxa qishlog'ida 2-noyabr kuni Rossiya hujumidan keyin boshlangan qidiruv-qutqaruv ishlari yakunlandi.

Ayollarni davolagan shifokorlar qamoq bilan qo‘rqitilmoqda: Afg‘onistondagi yangi to‘siqlar

Ayollarni davolagan shifokorlar qamoq bilan qo‘rqitilmoqda: Afg‘onistondagi yangi to‘siqlar

Bu holat shoshilinch tibbiy yordamga ham ta’sir qilmoqda.

O‘zbek ayvonlari Vashingtonda: Shavkat Mirziyoyevning Trampga sovg‘asi o‘rnatildi

O‘zbek ayvonlari Vashingtonda: Shavkat Mirziyoyevning Trampga sovg‘asi o‘rnatildi

Ayvonlar O‘zbekiston Prezidenti tomonidan AQSH mustaqilligining 250 yilligi munosabati bilan Donald Tramp va Amerika xalqiga sovg‘a qilingan edi.

Xabib Nurmagomedov BAAda muzokara o‘tkazdi: ukasi va uning jamoadoshlari ozod qilindi

Xabib Nurmagomedov BAAda muzokara o‘tkazdi: ukasi va uning jamoadoshlari ozod qilindi

Usmon Nurmagomedov BAAda sobiq UFC chempioni Merab Dvalishvili bilan bog‘liq mushtlashuv ishi bo‘yicha olti oyga qamoq jazosiga hukm qilingan edi.

AQSh Yaqin Sharqqa yana bir aviatashuvchi kemasini yubordi: Arabiston dengizida 3 ta aviatashuvchi jamlandi

AQSh Yaqin Sharqqa yana bir aviatashuvchi kemasini yubordi: Arabiston dengizida 3 ta aviatashuvchi jamlandi

Mintaqadagi harbiy-dengiz kuchlari tarkibiga 13 ta esmines va ikkita kreyser ham kiradi.

Trampning Xitoyga safari: Kim Chen In bilan uchrashuv o‘tkazilishi mumkin

Trampning Xitoyga safari: Kim Chen In bilan uchrashuv o‘tkazilishi mumkin

Tramp 2017–2021-yillardagi prezidentlik muddati davomida Kim Chen In bilan bir necha bor uchrashgan.

Umra ziyorati ortidan muammo: 100 dan ortiq qirg‘izistonlik Toshkentda qolib ketdi

Umra ziyorati ortidan muammo: 100 dan ortiq qirg‘izistonlik Toshkentda qolib ketdi

Ularning manziliga yetib borishi uchun har biridan qo‘shimcha 400 dollar talab qilingani aytilmoqda.