20 ta kambag'al oilaga yirik shoxli qoramol berildi
Surxondaryo viloyatida kambagallikni qisqartirishga qaratilgan rejalar ishlab chiqilmoqda.
Surxondaryo viloyatida aholi turmush darajasini oshirish va kambagallikni qisqartirishga qaratilgan amaliy ishlar davom etmoqda. Bu ishlar Prezidentning 2024-yil 23-sentabrdagi "Kambagallikni qisqartirish va aholi turmush farovonligini oshirish" to‘g‘risidagi farmoniga asosan amalga oshirilmoqda.
Shu maqsadda, kambagal oilalar ro‘yxatga olinib, ularni qo‘llab-quvvatlash va iqtisodiy mustaqillikka erishish uchun aniq choralar belgilangan. Jarqo'rg‘on tumanida 44 ta kambagal oila aniqlanib, ularga iqtisodiy yordam ko‘rsatish rejalari ishlab chiqilgan.
Shu jarayon doirasida, Jarqo'rg‘on tumanidagi 20 ta kambagal oilaga yirik shoxli qoramol topshirildi. Bu tashabbus oilalarni iqtisodiy jihatdan qo‘llab-quvvatlash, o‘z xojaliklarini yo‘lga qo‘yish va daromad manbaiga ega bo‘lish imkoniyatini yaratadi.
