Sun’iy intellekt mushuklar tilini tarjima qiladi
Bu orqali mushuklarning hissiy holatini bilish mumkin.
Xitoyning texnologik giganti Baidu kompaniyasi mushuklarning hissiyot va ehtiyojlarini inson tiliga tarjima qiluvchi sun’iy intellekt tizimi ustida ishlamoqda.
Ma'lumotlarga ko‘ra, yangi tizim mushuklarning ovozi, tana harakati, yuz ifodasi va biosignallarini tahlil qilib, ularning holatini sun’iy intellekt orqali aniqlaydi. Shundan so‘ng, hayvonning hissiy holati inson tushunadigan shaklda ifodalanadi.
Mazkur texnologiya nafaqat mushuklar bilan “muloqot” qilish, balki ularning sog‘lig‘ini kuzatish, stress yoki og‘riq holatlarini aniqlashda ham yordam beradi.
Texnologiyani to‘liq shakllantirish jarayoni besh yilgacha davom etishi mumkinligi aytilmoqda.
