Sport tarixidagi eng qimmat bitim imzolandi
“Los-Anjeles Leykers” klubi 10 milliard dollarga sotildi.
AQShning mashhur basketbol klubi “Los-Anjeles Leykers” aksiyalarining nazorat paketi 10 milliard dollarga sotildi — bu jahon sport tarixidagi eng katta moliyaviy kelishuv sifatida qayd etilmoqda.
TWG Global kompaniyasining rahbari, milliarder Mark Uolter klubning yangi egasiga aylandi. U ilgari ham “Leykers”da ulushga ega bo‘lgan va endilikda franchayzing ustidan to‘liq nazoratni qo‘lga kiritdi. Uolter shuningdek, “Los-Anjeles Dodjers”, “Chelsi” va boshqa yirik sport jamoalarining ham egasi hisoblanadi.
Bitimning shartlariga ko‘ra, 1979-yildan beri jamoani boshqarib kelgan Basslar oilasi 15 foiz ulushini saqlab qoladi. Jini Bass esa klub prezidenti va NBAdagi vakil sifatida faoliyatini davom ettiradi.
Mazkur kelishuv NBAdagi va umuman global sport sohasidagi moliyaviy faollikning ortib borayotganini ko‘rsatmoqda. Bungacha 2024-yil boshida “Boston Celtics” 6,1 milliard dollarga sotilishi e’lon qilingandi, ammo bu bitim hali yakuniy tasdiqdan o‘tmadi.
Uolterning bayonotiga ko‘ra, u klubning tarixiy merosini saqlab qolish, sportdagi muvaffaqiyatlarini davom ettirish va yangi cho‘qqilarni zabt etish niyatida.
