Kim Chen In Rossiya uchun ulkan harbiy zavod qurdirmoqda
KXDR Rossiya armiyasi uchun yangi harbiy ishlab chiqarishni yo‘lga qo‘yadi.
Shimoliy Koreya rahbari Kim Chen In mamlakat tarixidagi eng yirik harbiy zavodni qurishga buyruq bergani aytilmoqda. Bu haqda Newsweek nashri Planet Labs tomonidan olingan sun’iy yo‘ldosh suratlariga tayanib xabar berdi.
Yangi obyekt avvaldan mavjud bo‘lgan harbiy korxona yaqinida joylashgan, ammo o‘lchami jihatidan ancha yirik hisoblanadi. Bino Rossiya armiyasi ehtiyojlari uchun qurol-yarog‘ va raketalar ishlab chiqarishga mo‘ljallangan bo‘lishi mumkin.
Frederik Spor (Fridrix Naumann Fondi, Koreya byurosi) “BILD” nashriga bergan izohida quyidagilarni ta’kidladi: “Rossiyaga qurol yetkazish Shimoliy Koreya uchun katta iqtisodiy foyda keltiradi. Ukrainadagi urush fonida Rossiya aynan Shimoliy Koreyadan ballistik raketalar, jumladan KN-23 qisqa masofali raketalarini olayapti”.
Shimoliy Koreya 2024-yilda o‘q-dori ishlab chiqarishi maksimal darajada olib borilgan, Rossiyaga millionlab snaryadlar va o‘nlab turdagi raketalar yuborilgan, ushbu harakatlar Janubiy Koreya mudofaa vazirligi tomonidan aniqlangan.
Bu holat xalqaro sanksiyalar fonida Shimoliy Koreyaning Rossiyaga qurol bilan yordam berayotganini yana bir bor tasdiqlamoqda.
