Armaniston va Yevroittifoq mudofaa sohasida hamkorlik qilmoqchi
Yevroittifoq rasmiylari aloqalarni kengaytirishga tayyorligini bildirgan.
Armaniston va Yevropa Ittifoqi mudofaa yo‘nalishida rasmiy muzokaralarni boshladi. Bu haqda Armaniston tashqi ishlar vaziri Ararat Mirzoyan ma’lum qildi.
Uning so‘zlariga ko‘ra, tomonlar xavfsizlik va mudofaa sohalaridagi hamkorlik imkoniyatlarini ochiq muhokama qilmoqda.
Mirzoyan Yevropa Ittifoqi bilan harbiy-texnik aloqalarni kuchaytirish Armaniston uchun muhim ekanini ta’kidladi. U, shuningdek, bu mintaqaviy barqarorlikka hissa qo‘shishini aytdi.
Yevroittifoq rasmiylari ham Yerevan bilan xavfsizlik borasidagi aloqalarni kengaytirishga tayyorligini bildirgan.
