Bosh og‘rig‘i sababi yurak semizligi bo‘lishi mumkin

Yurak semizligi (miokard yog‘li distrofiyasi)ning dastlabki bosqichlarida bosh og‘rig‘i, jismoniy toliqish, qon bosimining ko‘tarilishi va nafas qisishi kabi belgilar kuzatiladi.

 

Oxu.Az xabariga ko‘ra, bu haqda Gazeta.ru bilan suhbatda kardiolog Anastasiya Ivanitskaya ma’lum qilgan.

 

Shifokorning aytishicha, yurakda yog‘ to‘planishi natijasida yurak mushaklari (miokard)ning egiluvchanligi pasayadi, bu esa arterial gipertoniya va yurak yetishmovchiligiga olib keladi.

 

“Bosh og‘rig‘i, jismoniy faollikka toqatning kamayishi, bosimning ko‘tarilishi, yurak urishidagi uzilishlar va nafas yetishmovchiligi — bular yurak semizligining dastlabki alomatlari. Vaqt o‘tishi bilan oyoqlarda shish, qorin bo‘shlig‘ida suyuqlik yig‘ilishi (assit) va yurak aritmiyalari kuchayib boradi. Bu esa gaz almashinuvining buzilishiga va umumiy sog‘liq holatining yomonlashishiga sabab bo‘ladi”, — deydi Ivanitskaya.

 

Shifokorning ma'lumotlariga ko‘ra, yurak hujayralari (kardiomiositlar)ning yog‘ bilan to‘yinishi ularning elektrofiziologik faolligini pasaytiradi, bu esa yurak ritmidagi buzilishlarga — tez (taxikardiya) yoki sekin (bradikardiya) urishga olib keladi.

 

Oldini olish uchun quyidagilar muhim:

 

Sog‘lom ovqatlanish;

 

Muntazam jismoniy faollik;

 

Ortiqcha vaznning oldini olish;

 

Yurak sog‘lig‘ini nazorat qilish.