Putin Tramp tahdidlariga qaramay urushni davom ettiradi
Rossiya prezidenti G‘arb uning tinchlik takliflariga jiddiy yondashmagunicha urushni to‘xtatmoqchi emas.
Rossiya prezidenti Vladimir Putin G‘arb davlatlari, jumladan AQSh, uning Ukraina bo‘yicha tinchlik shartlarini qabul qilmagunicha harbiy harakatlarni to‘xtatmasligini ma’lum qilgan. Bu haqda Reuters agentligi Kremlga yaqin manbalarga tayanib xabar berdi.
Manbalarning ta’kidlashicha, Rossiya armiyasi maydonlarda oldinga siljigan sari, Moskvaning hududiy talablari ham kengayishi mumkin. Putin AQSh prezidenti Donald Tramp tomonidan bildirilgan tahdidlarga qaramay, Rossiyaning iqtisodiy va harbiy salohiyati G‘arb sanksiyalari va bosimiga bardosh bera olishini hisobga olgan holda, murosasiz pozitsiyani saqlab qolmoqda.
“Putin G‘arb, xususan AQSh, hozirgacha Ukraina bo‘yicha muzokaralarga jiddiy yondashmagan deb hisoblaydi. Shu bois u o‘z siyosiy va harbiy maqsadlariga erishmaguncha jangovar harakatlarni davom ettirishga qat’iy bel bog‘lagan”, — deydi manbalardan biri.
Shuningdek, manbaga ko‘ra, Rossiya yetakchisi Donald Tramp bilan aloqalarni muhim deb bilsa-da, Rossiyaning milliy manfaatlarini birinchi o‘ringa qo‘yadi.
