Eron vayronagarchiliklarga qaramay urushda g‘alaba qozondi — Xomanaiy
Eron oliy rahbari Hormuz bo‘g‘ozi nazorati yangi bosqichga ko‘tarilishi ta'kidladi.
Mojtabo Xomanaiy Eron harbiy mojarolar fonida mamlakat vayronagarchiliklarga qaramay g‘alabaga erishganini ma’lum qildi. Bu haqda bayonot Eron davlat televideniyesi orqali e’lon qilindi deydi TASS.
Rasmiy bayonotda ta’kidlanishicha, “dushman hujumlari va bombardimonlari” oqibatida yetkazilgan zararlarga qaramay, mamlakat qurolli kuchlari urushni “buyuk g‘alaba” bilan yakunlagan.
Shuningdek, bayonotda Hormuz bo‘g‘ozi ustidan nazoratni kuchaytirish masalasiga alohida urg‘u berilib, Eron ushbu strategik hududni boshqarishni “yangi bosqichga” olib chiqishi qayd etilgan.
Murojaatda aholi so‘nggi haftalardagi kabi ommaviy yurishlar va namoyishlarda faol ishtirok etishga chaqirilgan. Bayonot marhum Ali Xomanaiy vafotining 40 kunligi munosabati bilan e’lon qilingani ham ta’kidlangan.
Avvalroq ayrim xorijiy OAVlarda Mojtabo Xomanaiyning sog‘ligi bilan bog‘liq turli taxminlar bildirilgan edi. Biroq rasmiy Tehron vakillari bu xabarlarni rad etib, uning davlat boshqaruvida faol ekanini ma’lum qilgan.
