Erondagi urush ocharchilik xavfini 360 milliondan oshirishi mumkin
Mamlakatdagi harbiy mojaro dunyoda oziq-ovqat xavfsizligi muammolarini chuqurlashtirmoqda.
Xalqaro valyuta jamg‘armasi (XVJ) boshqaruvchi direktori Kristalina Georgieva Erondagi harbiy mojarolar global oziq-ovqat xavfsizligiga jiddiy salbiy ta’sir ko‘rsatishi mumkinligini ma’lum qildi. Bu haqdaTASS xabar berdi.
Uning ta’kidlashicha, AQSh va Isroilning Eronga qarshi harbiy operatsiyalari oqibatida dunyo bo‘ylab ocharchilik xavfi ostida yashayotgan insonlar soni 45 million kishiga oshib, umumiy ko‘rsatkich 360 milliondan yuqori darajaga yetishi mumkin.
Georgieva Vashingtonda bo‘lib o‘tgan brifingda ta’kidlashicha, ayni paytda oziq-ovqat xavfsizligi bilan bog‘liq vaziyat yanada og‘irlashishi ehtimoli mavjud.
“Sayohat cheklovlari, ta’minot zanjiridagi uzilishlar va o‘g‘it narxlarining oshishi natijasida qo‘shimcha 45 million odam ochlik xavfi ostiga tushishi mumkin,” — dedi XVJ rahbari.
Shuningdek, u global bozorlar uchun asosiy xavflardan biri sifatida logistika uzilishlari va oziq-ovqat resurslari narxlarining oshishini qayd etgan.
