Toshkent viloyatining Yangiyo‘l shahrida sodir bo‘lgan janjal fojia bilan yakunlandi
Marhumning o‘limiga ko‘krak qafasiga yetkazilgan jarohat va yurak qismi zararlanishi sabab bo‘lgan.
Toshkent viloyati Yangiyo'l shahrida pichoqbozlik oqibatida bir kishi halok bo‘ldi.
Ma’lum qilinishicha, 2026 yil 11 aprel kuni soat taxminan 20:20 larda “Qovunchitepa” mahalla fuqarolar yig‘ini Samarqand ko‘chasida joylashgan sartaroshxona kirish qismida ikki yigit o‘rtasida o‘zaro janjal kelib chiqqan.
Janjal vaqtida gumonlanuvchi o‘zi bilan olib yurgan o‘tkir tig‘li pichoq bilan jabrlanuvchining ko‘krak qismiga bir marta zarba bergan. Olingan jarohatlar natijasida jabrlanuvchi shifoxonaga olib ketilayotgan vaqtda vafot etgan.
Sud-tibbiy ekspertiza xulosasiga ko‘ra, marhumning o‘limiga ko‘krak qafasiga yetkazilgan jarohat va yurak qismi zararlanishi sabab bo‘lgan.
Voqea joyiga shahar prokuraturasi va IIB rahbariyati, shuningdek tergov-tezkor guruh a’zolari yetib kelgan va holat yuzasidan dastlabki tergov harakatlari olib borilgan.
Aniqlanishicha marhum 1999 yilda tug‘ilgan, oilali, ikki nafar farzandning otasi bo‘lgan. U sartaroshlik faoliyati bilan shug‘ullangan
Gumonlanuvchi esa 2006 yilda tug‘ilgan, muqaddam sudlangan va vaqtincha ishsiz bo‘lgan.
Mazkur holat yuzasidan 2026 yil 12 aprel kuni gumonlanuvchiga nisbatan Jinoyat kodeksining 97-moddasi 1-qismi bilan jinoyat ishi qo‘zg‘atilgan va qamoqqa olingan.
Hozirda tergov harakatlari davom etmoqda
