AQSh va Isroil havo hujumlari oqibatida Erondagi 138 ming fuqarolik obyekti zarar ko‘rgan
Ular orasida 113 mingdan ortiq turar-joy binolari mavjud.
AQSh va Isroil tomonidan amalga oshirilgan havo hujumlari oqibatida Eronda jami 138 mingga yaqin fuqarolik obyektiga zarar yetgan. Bu haqda TASS xabar berdi.
Telekanal xabarida qayd etilishicha, zarar ko‘rgan obyektlar orasida 113 mingdan ortiq turar-joy binolari, qariyb 23,5 ming tijorat binolari, 300 dan ziyod tibbiyot muassasalari, 32 ta universitet hamda 993 ta ta’lim muassasalari mavjud.
Ma’lumotlarga ko‘ra, zarbalar natijasida mamlakatning turli hududlaridagi infratuzilma va ijtimoiy obyektlar ham jiddiy talafot ko‘rgan.
Eslatib o‘tamiz, 28-fevral kuni AQSh va Isroil tomonidan Eronga qarshi harbiy operatsiya boshlangan edi. Hujumlar davomida Tehron va boshqa yirik shaharlarga zarbalar berilgani xabar qilingan.
Bunga javoban Eron tomoni keng ko‘lamli qarshi operatsiya e’lon qilgan hamda mintaqadagi ayrim AQSh harbiy obyektlariga zarbalar yo‘llagan.
7-aprel kuni esa AQSh prezidenti Donald Tramp Eron bilan ikki haftalik o‘zaro sulh e’lon qilgan edi.
