Andijonda Hajga yuborish uchun 18 ming dollar so‘ragan so‘ragan shaxs ushlandi
U ona-bolaning ishonchiga kirib, ulardan aldov yo‘li bilan pul olmoqchi bo‘lgan.
Andijonda Haj ziyoratiga yuborish bilan bog‘liq noqonuniy holat fosh etildi. Bu haqda Zamon.uz’ga DXX xabar berdi.
Ma’lum qilinishicha, Andijon viloyati Asaka tumanida yashovchi shaxs aldov yo‘li bilan boshqa fuqaroning ishonchiga kirib, tanishlari orqali uni va onasini bu yilgi “Haj” mavsumida Saudiya Arabistoniga ziyoratga yuborish evaziga har biri uchun 9 ming AQSH dollaridan, jami 18 ming dollar talab qilgan.
DXXning Andijon viloyati bo‘yicha boshqarmasi va IJQK Departamenti xodimlari hamkorligida o‘tkazilgan tezkor tadbirda, u oldindan 9 ming dollar olgan vaqtida ashyoviy dalillar bilan ushlandi.
Hozirda unga nisbatan jinoyat ishi qo‘zg‘atilib, tergov harakatlari olib borilmoqda.
