Ohangaronda PPX xodimi voyaga yetmagan qizlarga tegajog‘lik qilishda gumonlanmoqda
Mazkur holat yuzasidan IIV Jamoat xavfsizligi departamenti tekshiruv boshladi.
Ijtimoiy tarmoqlarda Ohangaronda PPX xodimi voyaga yetmagan qizlarni tog‘li hududga olib borib, ularga shilqimlik qilgani haqida xabarlar tarqaldi. Mazkur holat yuzasidan IIV Jamoat xavfsizligi departamenti tekshiruv boshlanganini ma’lum qildi.
Ma’lumotlarga ko‘ra, patrul-post xizmati xodimi 14 yoshli qiz va uning dugonasini majburlab avtomobilga o‘tqazib, olis hududga olib borgan va noqonuniy harakatlar sodir etgan. Qizlardan birining akasi telefondagi joylashuv orqali ularni topib borgan.
IIV Jamoat xavfsizligi departamenti bildirishicha, holat yuzasidan Ichki ishlar vazirligining O‘z xavfsizligi bo‘linmasi tomonidan prokuratura organlari bilan hamkorlikda bilan tekshiruv boshlangan. Hodisaning barcha ishtirokchilari va yuzaga kelgan holatlar aniqlangan.Xodim ishdan bo‘shatilgan.
“Keltirilgan holatlar tasdiqlangan taqdirda, uning harakatlariga qat’iy huquqiy baho beriladi, jumladan, jinoiy javobgarlikka tortilishgacha bo‘lgan choralar qo‘llanadi”, deyiladi xabarda.
