AQSh sharmandali mag‘lubiyatga uchradi — Xomanaiy
Oliy rahnamo AQShning harbiy rejalari muvaffaqiyatsizlikka uchraganini ta'kidlamoqda.
Mujtabo Xomanaiy AQShning Eron bilan qarama-qarshilikda sharmandali mag‘lubiyatga uchraganini bildirdi. Bu haqda Al Arabiya xabar berdi.
Murojaat Eron televideniyesi diktori tomonidan o‘qib eshittirildi va Xominaiyning rasmiy saytida e’lon qilindi.
Bayonotda Xomanaiy so‘nggi ikki oy ichida mintaqada kuzatilgan keskinliklarni tilga olib, AQShning harbiy rejalari muvaffaqiyatsizlikka uchraganini ta’kidladi. Unga ko‘ra, endilikda Fors ko‘rfazi va Hormuz bo‘g‘ozi atrofida “yangi bosqich” boshlanmoqda.
Xomanaiy mart oyida oliy rahbar lavozimini egallaganidan beri jamoatchilikka chiqmagan. Uning ushbu murojaati Eronda nishonlanadigan Fors ko‘rfazi kuniga to‘g‘ri keldi.
Xomanaiy murojaatida: “Mintaqadagi AQSh harbiy bazalari “hatto o‘z xavfsizligini ta’minlash salohiyatiga ham ega emas, ittifoqchilarini himoya qilish u yoqda tursin,” — dedi.
Shuningdek, u Eronning Hormuz bo‘g‘ozi ustidan joriy etgan yangi boshqaruv tizimini mintaqa uchun “farovonlik va taraqqiyot” omili sifatida baholadi.
Xomanaiy AQShsiz Fors ko‘rfazida “yorqin kelajak”ni bashorat qilar ekan, mintaqaga tashqi aralashuvlarni keskin tanqid qildi.
Avvalroq Eron prezidenti Mas’ud Pezeshkiyon ham AQShning ehtimoliy dengiz blokadasini “muvaffaqiyatsizlikka mahkum” deb atagan edi.
Uning fikricha, bunday choralar mintaqaviy xavfsizlikni mustahkamlash o‘rniga, aksincha keskinlikni kuchaytiradi.
Shu bilan birga, Eron harbiy-dengiz kuchlari qo‘mondoni Shahram Irani yaqin vaqt ichida yangi ishlab chiqilgan dengiz qurollari joylashtirilishini bildirgan.
