Hindistonda jazirama oqibatida kamida 16 kishi halok bo‘ldi
Rasmiylarga ko‘ra, harorat 45 darajadan ham oshishi qayd etilmoqda.
Hindistonning janubidagi Telangana shtatida kuchli jazirama issiq oqibatida kamida 16 kishi issiq urishi sababli vafot etdi. Bu haqda shtat Axborot va jamoatchilik bilan aloqalar vazirligi ma’lum qildi deydi TASS.
Rasmiylarga ko‘ra, hududda harorat keskin ko‘tarilib, 45 darajadan ham oshishi qayd etilmoqda. Shu munosabat bilan shtat hukumati favqulodda yig‘ilish o‘tkazib, vaziyatni muhokama qildi hamda aholi uchun ogohlantirish e’lon qilgan.
Aholiga, agar o‘ta zarurat bo‘lmasa, kunduzgi vaqtda ochiq havoga chiqmaslik, issiqdan saqlanish hamda tegishli ehtiyot choralariga rioya qilish tavsiya etilgan.
Hindiston meteorologiya boshqarmasining avvalgi ogohlantirishiga ko‘ra, Janubiy Osiyoning ushbu hududida issiq to‘lqini kamida 26-maygacha davom etishi kutilmoqda.
