Prezident Shavkat Mirziyoyevning Qozog‘istonga amaliy tashrifi yakunlandi
Oliy martabali mehmonni Qozog‘iston bosh vazirining o‘rinbosari — milliy iqtisodiyot vaziri Serik Jumangarin va boshqa rasmiylar kuzatib qo‘ydi.
O‘zbekiston Respublikasi Prezidenti Shavkat Mirziyoyevning Ostona shahriga amaliy tashrifi tadbirlari nihoyasiga yetdi. Bu haqda Prezident matbuot xizmati xabar berdi.
Davlat rahbari Oliy Yevrosiyo iqtisodiy kengashining navbatdagi yig‘ilishida nutq so‘zladi.
Tashrif doirasida O‘zbekiston Respublikasi va Qozog‘iston Respublikasi o‘rtasida investitsiya va savdo sohalarida oliy darajada erishilgan kelishuvlarni amalga oshirish bo‘yicha “yo‘l xaritasi”ni imzolash marosimi ham bo‘lib o‘tdi.
Tadbirlar yakunlangach, mamlakat yetakchisi Ostona xalqaro aeroportidan Toshkentga jo‘nab ketdi. Oliy martabali mehmonni Qozog‘iston Respublikasi Bosh vazirining o‘rinbosari – milliy iqtisodiyot vaziri Serik Jumangarin va boshqa rasmiylar kuzatib qo‘ydi.
