Farg‘onada Nexia-2 va Onix to‘qnashuvida bir kishi vafot etdi
Fojiaga Nexia-2 haydovchisining qarama-qarshi yo'nalishga chiqib ketgani sabab bo'lgan.
Farg‘ona viloyatining Quva tumanida Nexia-2 va Onix rusumli avtomobillar ishtirokida yo‘l-transport hodisasi sodir bo‘lib, bir kishi vafot etdi. Bu haqda viloyat YHXB matbuot xizmati ma’lum qildi.
Hodisa joriy yilning 30-may kuni soat 11:30 atrofida “Farg‘ona halqasi” avtomobil yo‘lining Quva tumani “Paxtakor” MFY hududidan o‘tgan qismida yuz bergan. Dastlabki ma’lumotlarga ko‘ra, 1977-yilda tug‘ilgan Nexia-2 haydovchisi Y.I avtomobillarga gaz to‘ldirish shoxobchasidan chiqib, qarama-qarshi yo‘nalishga o‘tgan va shu vaqtda o‘z yo‘nalishida harakatlanib kelayotgan 2000-yilda tug‘ilgan Onix haydovchisi Q.I boshqaruvidagi avtomobil bilan to‘qnashgan.
Oqibatda Nexia-2 haydovchisi og‘ir tan jarohatlari olib, shifoxonada vafot etgan.
Avvalroq, Qashqadaryoda 2 ta Nexia va yuk mashinasi ishtirokida YTH sodir bo'lgani xabar qilingan edi.
