Rubio Markaziy Osiyoga tashrif buyuradi
AQSh dablat Kotibi SSSR vaqtida Markaziy Osiyo mamlakatlari uchun iqtisodiy cheklovlar - Jekson–Vanikni bekor qilishni qo‘llab-quvvatladi.
AQSh Davlat kotibi Marko Rubio 2026-yil oxirida Markaziy Osiyo mamlakatlariga tashrif buyurishini ma’lum qildi. Bu haqda u Vakillar palatasi Tashqi ishlar qo‘mitasidagi tinglov davomida ma’lum qildi deydi TASS.
Rubioning ta’kidlashicha, AQSh ma’muriyati Markaziy Osiyo respublikalari bilan savdo aloqalarini cheklovchi Jekson–Vanik tuzatishini bekor qilish tashabbusini qo‘llab-quvvatlaydi. Uning fikricha, mazkur qaror ikki tomonlama hamkorlikni rivojlantirishda muhim ahamiyat kasb etadi.
Shuningdek, Davlat kotibi AQShning C5+1 formatidagi hamkorlik uchrashuvi doirasida Markaziy Osiyo mamlakatlari bilan muzokaralar o‘tkazilishi rejalashtirilganini bildirgan. Unga ko‘ra, u o‘zi ham ushbu uchrashuvda ishtirok etadi.
C5+1 formati AQSh va Markaziy Osiyoning besh davlati — Qozog‘iston, Qirg‘iziston, Tojikiston, Turkmaniston va O‘zbekiston o‘rtasidagi mintaqaviy hamkorlik mexanizmi hisoblanadi va 2015-yildan buyon faoliyat yuritib kelmoqda.
