AQSH Kuba prezidentiga qarshi sanksiyalar joriy etdi
Harbiy va xavfsizlik tuzilmalari ham sanksiyalar ro‘yxatiga kiritilgan.
AQSh Moliya vazirligi Kuba prezidenti Migel Dias-Kanel hamda u bilan bog‘liq ayrim shaxslar va tashkilotlarga qarshi yangi sanksiyalar joriy etdi deb xabar beradi departament veb-sayti.
Ma’lumotlarga ko‘ra, sanksiyalar ro‘yxatiga Kuba qurolli kuchlari, ichki xavfsizlik va razvedka tizimlari, shuningdek, “Inqilobni himoya qilish qo‘mitalari” ham kiritilgan.
Migel Dias-Kanel 2018-yildan buyon Kuba prezidenti sifatida faoliyat yuritib kelmoqda. U mamlakat rahbarligida sobiq yetakchi Raul Kastroning o‘rnini egallagan.
Shuningdek, AQSh may oyida Kubaning 11 nafar amaldoriga, jumladan, aloqa vaziri va bir qator harbiy rahbarlarga ham sanksiyalar joriy qilgan edi.
Avvalroq AQSh Adliya vazirligi 94 yoshli Raul Kastroni 1996-yilda sodir bo‘lgan aviatsiya hodisasi bilan bog‘liq voqealar yuzasidan qotillikda ayblagan edi.
Kuba prezidenti Migel Dias-Kanel AQSh tomonidan ilgari surilgan ayblov va sanksiyalarni “siyosiy bosim va asossiz da’volar” deb baholagan.
