AQSH Eronga yangi zarbalar berdi
Tehron esa Bahrayn va Quvaytdagi AQSh harbiy bazalariga javob zarbalari berdi.
AQSh va Eron o‘rtasidagi keskinlik yanada kuchaydi. AQSh Markaziy qo‘mondonligi (CENTCOM) Erondagi bir qator harbiy nishonlarga qo‘shimcha zarbalar berilganini ma’lum qildi deydi BBC.
Qo‘mondonlik bayonotiga ko‘ra, hujumlar AQSh prezidenti ko‘rsatmasi asosida amalga oshirilgan bo‘lib, ular Eronning davom etayotgan harakatlariga javob sifatida izohlangan. OAV xabarlarida Erondagi kamida olti hududda portlashlar kuzatilgani qayd etilgan.
Manbalarga ko‘ra, zarbalar asosan mamlakat janubidagi havo hujumidan mudofaa tizimlari, radar majmualari hamda uchuvchisiz apparatlarni boshqarish infratuzilmalariga qaratilgan.
Shundan so‘ng CENTCOM Erondagi ayrim obyektlarga nisbatan qo‘shimcha hujumlar ham amalga oshirilganini tasdiqlagan.
Eron tomoni esa Bahrayn va Quvaytdagi AQSh harbiy bazalariga javob zarbalari berilganini ma’lum qilgan. Eron ommaviy axborot vositalari xabarlariga ko‘ra, hujumlarda AQShning bir qator harbiy obyektlari nishonga olingan.
Eslatib o'tamiz, avvalroq Eron barcha turdagi kemalar uchun Hormuz bo'g'ozini yopgani xabar qilingan edi.
