Shavkat Mirziyoyev Vladimir Putinni Rossiya kuni bilan tabrikladi
O‘zbekiston Prezidenti maktubida ushbu qutlug‘ sana rus xalqining boy ma’naviy merosi hamda har tomonlama taraqqiyot sari intilishni aks ettirishi ta’kidlangan.
Shavkat Mirziyoyev Vladimir Putinni va do‘st Rossiya xalqini milliy bayram – Rossiya kuni bilan samimiy muborakbod etdi. Maktubda ushbu qutlug‘ sana rus xalqining boy ma’naviy merosi hamda har tomonlama taraqqiyot sari intilishni aks ettirishi ta’kidlangan.
"Bugun mamlakatlarimiz o‘rtasidagi ikki tomonlama aloqalar izchil kengayib, hududlararo va gumanitar hamkorlik yangi sur’at kasb etmoqda. Yaqinda Sankt-Peterburg shahrida o‘tgan oliy darajadagi muzokaralar ikki davlat o‘rtasidagi an’anaviy do‘stlikni yana bir bor tasdiqladi.
Ishonamanki, erishilgan kelishuvlar O‘zbekiston va Rossiya o‘rtasidagi do‘stlik va o‘zaro manfaatli hamkorlik munosabatlarini yanada chuqurlashtirish, mamlakatlarimiz va xalqlarimiz farovonligi yo‘lida ko‘p qirrali sheriklikning ulkan salohiyatini ro‘yobga chiqarish uchun mustahkam asos bo‘lib xizmat qiladi”, deyiladi tabrik xatida.
