Farg‘ona viloyatida 4 magnitudali zilzila sodir bo‘ldi
Episentr Quvasoy shahri bo‘lgan. Zilzila Andijon viloyatida ham sezilgan.
24-iyun kuni soat 21:07 da Farg‘ona viloyatining Quvasoy shahri hududida zilzila qayd etildi.
Ma’lumotlarga ko‘ra, yer silkinishining magnitudasi 4 ga teng bo‘lib, o‘choq 13 kilometr chuqurlikda joylashgan. Zilzila episentri Toshkent shahridan 251 kilometr janubi-sharqda qayd etilgan.
Yer silkinishi Farg‘ona viloyatining ayrim hududlarida 3–4 ball, Andijon viloyatida esa 2 ball kuch bilan sezilgan.
