O'zbekiston

Prezident Andijondagi xalqaro madaniy tadbirlar ishtirokchilariga tabrik yo‘lladi

Shavkat Mirziyoyev Andijonning “Turkiy dunyoning madaniyat poytaxti” maqomini O‘zbekistonning boy madaniy merosi va xalqaro nufuzining e’tirofi deb atadi.

Prezident Andijondagi xalqaro madaniy tadbirlar ishtirokchilariga tabrik yo‘lladi

O‘zbekiston Prezidenti Shavkat Mirziyoyev Andijon shahrining 2026-yilda “Turkiy dunyoning madaniyat poytaxti” deb e’lon qilinishi munosabati bilan o‘tkazilayotgan tadbirlar ishtirokchilariga tabrik yo‘lladi.

 

Davlat rahbari o‘z murojaatida xalqaro tashkilotlar rahbarlari, xorijiy davlatlar elchilari hamda turkiy dunyoning madaniyat, adabiyot va san’at namoyandalarini qutlar ekan, Andijonga bunday yuksak maqom berilganini O‘zbekistonning boy tarixiy-madaniy merosi, turkiy madaniyat rivojiga qo‘shgan hissasi va mamlakatda amalga oshirilayotgan islohotlarning xalqaro e’tirofi sifatida baholadi.

 

Prezident ta’kidlashicha, Andijon asrlar davomida madaniyat, adabiyot, san’at va hunarmandchilik markazlaridan biri bo‘lib kelgan. Ushbu zamindan yetishib chiqqan Zahiriddin Muhammad Bobur, Abdulhamid Cho‘lpon kabi buyuk siymolar, shuningdek, “Andijon polkasi” raqsi va askiya san’ati turkiy xalqlar madaniy merosining muhim qismi ekani qayd etildi.

 

Tabrikda O‘zbekistonning TURKSOY bilan hamkorligiga ham alohida e’tibor qaratildi. Xususan, “Turkiy adabiyot durdonalari”ning 100 jildlik to‘plami nashr etilgani, qator ilmiy va madaniy tadbirlar tashkil etilgani hamda joriy yil aprel oyida Islom sivilizatsiyasi markazida TURKSOY ofisi ochilgani ta’kidlandi.

 

Shavkat Mirziyoyev “Andijon – Turkiy dunyoning madaniyat poytaxti” loyihasi doirasida yil davomida o‘tkaziladigan festival, ilmiy anjuman, badiiy kecha va ijodiy uchrashuvlar xalqlar o‘rtasidagi do‘stlik va hamjihatlikni yanada mustahkamlashiga ishonch bildirdi.

 

Davlat rahbari tadbir ishtirokchilariga sihat-salomatlik va muvaffaqiyatlar tilab, mehmonlarni Andijon shahriga xush kelibsiz deb qutladi.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.