Jahon

Rossiya Belarus orqali Ukrainaga qarshi yangi front ochishga urinmoqda — WSJ

Ma’lumotlarga ko‘ra, Kreml Belarusga moliyaviy bosim o‘tkazib, uni urushga yanada faol jalb etishga harakat qilmoqda.

Rossiya Belarus orqali Ukrainaga qarshi yangi front ochishga urinmoqda — WSJ

 

Rossiya Belarusni Ukrainaga qarshi urushga yanada faol jalb etish maqsadida Minskga bosimni kuchaytirmoqda. Bu haqda The Wall Street Journal Rossiya va Yevropaning amaldagi hamda sobiq rasmiylariga tayanib xabar berdi.

 

Nashr ma’lumotlariga ko‘ra, Moskva Belarus hududidan Ukrainaga qarshi dron hujumlarini amalga oshirish, front chizig‘ini g‘arbga kengaytirish hamda Ukraina qo‘shinlarini sharqiy yo‘nalishlardan chalg‘itish imkoniyatlarini muhokama qilmoqda. Shuningdek, Belarusdan NATOga a’zo qo‘shni davlatlarga qarshi gibrid operatsiyalar uchun foydalanish ehtimoli ham ko‘rib chiqilayotgani aytilmoqda.

 

Manbalarga ko‘ra, Rossiya joriy yil boshidan buyon Minskni urushdagi rolini kengaytirishga ko‘ndirishga urinmoqda. Xususan, Rossiyaning Belarusdagi elchisi Boris Grizlov va Belarus prezidenti Aleksandr Lukashenko o‘rtasida bir qator muzokaralar bo‘lib o‘tgan. Sobiq rossiyalik razvedka xodimlaridan biri Moskva Belarusga moliyaviy yordamni qisqartirish bilan tahdid qilib, bosim o‘tkazganini ma’lum qilgan.

 

Nashr ta’kidlashicha, Rossiya armiyasi Ukraina sharqida janglarni davom ettirar ekan, Belarus Moskva uchun muhim strategik hududga aylanishi mumkin. Bundan tashqari, Rossiyaning taktik yadroviy qurollari Belarus hududida joylashtirilgani vaziyatni yanada murakkablashtirishi qayd etilgan.

 

May oyida Rossiya va Belarus qo‘shma yadroviy mashg‘ulotlar o‘tkazgan, Rossiya qo‘shinlari esa yadroviy kallaklarni Belarusdagi poligonlarga ko‘chirish bo‘yicha amaliy harakatlarni namoyish etgan.

 

Shuningdek, nashr Fransiya prezidenti Emmanuel Makron may oyida Aleksandr Lukashenko bilan telefon orqali muloqot qilib, Belarusning urushdagi ishtiroki kuchayishi mumkinligidan xavotir bildirganini eslatgan. Lukashenko bunday niyatlarni rad etgan bo‘lsa-da, Parijdan bunday ogohlantirish bo‘lganini tasdiqlagan.

 

Ukraina prezidenti Vladimir Zelenskiy ham avvalroq Rossiya Belarusni yangi agressiv operatsiyalarga jalb etishga urinayotganini ma’lum qilgan edi. Uning so‘zlariga ko‘ra, Kiyev Rossiya va Belarus o‘rtasidagi muloqot tafsilotlaridan xabardor bo‘lib, Belarus hududidan Ukraina yoki NATO mamlakatlariga qarshi ehtimoliy harbiy operatsiyalar rejalashtirilayotganini kuzatib bormoqda.

 

Biroq The Wall Street Journal manbalari Rossiya Belarus hududidan darhol foydalanishga tayyorlanayotgani haqida aniq alomatlar mavjud emasligini, ammo bunday ssenariy hanuz kun tartibida qolayotganini qayd etgan. Nashrga ko‘ra, ehtimoliy operatsiyalar an’anaviy harbiy hujum emas, balki NATO mudofaasini sinovdan o‘tkazish yoki Ukrainani qo‘llab-quvvatlashga putur yetkazishga qaratilgan gibrid harakatlar ko‘rinishida bo‘lishi mumkin.

G‘azoda oziq-ovqat tarqatayotgan avtomobilga Isroil droni zarba berdi: uch kishi halok bo‘ldi

G‘azoda oziq-ovqat tarqatayotgan avtomobilga Isroil droni zarba berdi: uch kishi halok bo‘ldi

Avtomobil bolalarga oziq-ovqat va ichimlik tarqatish uchun to‘xtashga tayyorlanayotgan paytda raketa bilan urilgani aytildi.

Hormuz bo‘g‘ozidagi hujumlar kuchaydi: Eron ikkita raketa uchiruvchi qurilmani namoyish etdi

Hormuz bo‘g‘ozidagi hujumlar kuchaydi: Eron ikkita raketa uchiruvchi qurilmani namoyish etdi

Raketa qurilmasi namoyishi AQShning Eron raketa dasturini yo‘q qilgani haqidagi bayonotlari fonida amalga oshirildi.

O‘yin sanoatida rekord: GTA VI ilk kunidayoq qariyb 4 milliard dollar daromad keltirdi

O‘yin sanoatida rekord: GTA VI ilk kunidayoq qariyb 4 milliard dollar daromad keltirdi

Bu ko‘rsatkich 2013-yilda chiqarilgan GTA V’ning dastlabki uch kunlik 1 milliard dollarlik natijasidan qariyb to‘rt baravar yuqori.

Yevropada antibiotiklarga chidamli bakteriya tarqalishi xavfi oshmoqda: JSST ogohlantirdi

Yevropada antibiotiklarga chidamli bakteriya tarqalishi xavfi oshmoqda: JSST ogohlantirdi

Klebsiella pneumoniae sababli yuzaga kelgan qon infeksiyalari 2019–2025-yillarda 72 foizga oshdi.

Tramp yil oxirigacha Ukraina bo‘yicha tinchlik kelishuviga erishmoqchi — FT

Tramp yil oxirigacha Ukraina bo‘yicha tinchlik kelishuviga erishmoqchi — FT

AQSh demokratlar Kongress ustidan nazoratni qo‘lga kiritishidan avval Rossiya va Ukraina o‘rtasida kelishuvga erishishga shoshilmoqda.

Bir kechada 275 ta Ukraina droni yo‘q qilindi — Rossiya Mudofaa vazirligi

Bir kechada 275 ta Ukraina droni yo‘q qilindi — Rossiya Mudofaa vazirligi

Bir hafta davomida 6 808 ta Ukraina dronini yo‘q qilingan.

Bir soatdan kam davom etgan bo‘ron shaharchani vayron qildi: uch kishi halok bo‘ldi

Bir soatdan kam davom etgan bo‘ron shaharchani vayron qildi: uch kishi halok bo‘ldi

Ma’lum qilinishicha, 8 mingga yaqin uy qisman yoki to‘liq vayron bo‘lgan.

Yevropa Ittifoqidan Ukrainaga rekord yordam: 7,9 mlrd yevro ajratildi

Yevropa Ittifoqidan Ukrainaga rekord yordam: 7,9 mlrd yevro ajratildi

Mablag‘ 20 dan ortiq islohot choralarini amalga oshirish sharti bilan ajratilgan.