O‘zbekiston delegatsiyasi Ali Xomanaiy bilan vidolashuv marosimida ishtirok etdi
Oliy Majlis Qonunchilik palatasi spikeri Nuriddin Ismoilov boshchiligidagi O‘zbekiston delegatsiyasi Eronga tashrif buyurdi.
3-iyul kuni Oliy Majlis Qonunchilik palatasi spikeri Nuriddin Ismoilov boshchiligidagi O‘zbekiston delegatsiyasi Eronga tashrif buyurdi. Bu haqda Mehr axborot agentligi xabar berdi.
Xabarga ko‘ra, Eron va Iroqda mamlakatning marhum oliy rahbari Ali Xomanaiy bilan vidolashuv marosimlari 4–9-iyul kunlari bo‘lib o‘tadi.
Vidolashuv marosimida Turkiya vitse-prezidenti, shuningdek, Armaniston bosh vaziri Nikol Pashinyan, Turkmaniston sobiq prezidenti Gurbanguli Berdimuhamedov, Iroq prezidenti Nizar Amidi, Tojikiston prezidenti Emomali Rahmon, Gruziya prezidenti Mixail Kavelashvili, Qozog‘iston tashqi ishlar vaziri Yermek Kosherbayev hamda Qirg‘iziston parlamenti raisi Marlen Mamtaliyev ham ishtirok etish uchun Eronga tashrif buyurgan.
Ma’lum qilinishicha, Xomanaiyning jasadi “Imom Xomeyniy al-Musalla” majmuasida saqlanmoqda. Marosimlarda 12 milliondan 20 million nafargacha odam qatnashishi kutilmoqda.
Tashkiliy ishlarga ziyoratchilar uchun minglab lagerlar tashkil etish, bir milliondan ortiq xorijdan kelgan mehmonlarni joylashtirish hamda Tehron markazida odamlar oqimini boshqarish choralari kiradi.
