Toshkentda qurilishi tugallanmagan binoda yong‘in chiqdi
Yakkasaroy tumanida sodir bo‘lgan yong‘in qisqa vaqt ichida o‘chirildi. Hodisa oqibatida jabrlanganlar yo‘q.
17-iyul kuni soat 17:45 da Toshkent shahar Favqulodda vaziyatlar bosh boshqarmasiga Yakkasaroy tumani Boshliq 1-dahasida joylashgan qurilishi to‘liq tugallanmagan binoda yong‘in yuz bergani haqida xabar kelib tushdi.
Xabarga ko‘ra, qutqaruv bo‘linmalari voqea joyiga zudlik bilan yetib borib, yong‘inni soat 18:00 da to‘liq bartaraf etgan.
Qayd etilishicha, hodisa oqibatida tan jarohati olganlar yo‘q. Hozirda yong‘inning kelib chiqish sabablari va yetkazilgan moddiy zarar miqdori aniqlanmoqda.
