Toshkentdagi YTHda halok bo‘lgan YPX xodimi so‘nggi manzilga kuzatildi
16-iyul kuni Chevrolet Onix va YPX xizmat mototsikllari ishtirokida YTHda sodir bo‘lgan edi.
2026-yil 17-iyul kuni Toshkent shahrida xizmat vazifasini bajarish chog‘ida sodir bo‘lgan yo‘l-transport hodisasi oqibatida halok bo‘lgan Toshkent shahar IIBB YHXB YPX brigadasi Maxsus batalyoni moto guruhi komandiri, leytenant Ozodbek Madiyorjon o‘g‘li Qo‘ldoshaliev bilan vidolashuv marosimi bo‘lib o‘tdi.
Marhumning janoza marosimi Farg‘ona viloyatining Qo‘qon shahrida o‘tkazildi. Uni so‘nggi manzilga kuzatishda ichki ishlar organlari rahbariyati, xizmatdoshlari, yaqinlari hamda ko‘plab fuqarolar ishtirok etdi.
Eslatib o‘tamiz, 2026-yil 16-iyul kuni Toshkent shahrida Chevrolet Onix avtomobili va YPX xizmat mototsikllari ishtirokida og‘ir yo‘l-transport hodisasi sodir bo‘lgan edi. Hodisa oqibatida xizmat vazifasini bajarayotgan leytenant Ozodbek Qo‘ldoshaliev og‘ir tan jarohatlari sabab voqea joyida vafot etgan.
Marhum 29 yoshda edi.
