AQSh Ispaniya terma jamoasidan 16 million dollar soliq talab qildi
Rasmiylar terma jamoaning JCH–2026 g‘olibligi uchun olgan mukofot pulining 30 foizini soliq sifatida undirishni rejalashtirmoqda.
AQSh rasmiylari 2026-yilgi FIFA Jahon chempionatida g‘olib bo‘lgan Ispaniya terma jamoasining mukofot pulidan 30 foizlik soliq undirishni rejalashtirmoqda.
Fox News xabariga ko‘ra, Ispaniya terma jamoasi Jahon chempionatidagi g‘alabasi uchun 53,5 million dollar mukofot puli olgan. AQSh soliq qonunchiligiga muvofiq, ushbu mablag‘ning 16,05 million dollardan ortiq qismi soliq sifatida undirilishi mumkin.
Ma’lum qilinishicha, FIFA odatda musobaqa g‘oliblarini mezbon davlatdagi soliqlardan ozod qiladi. Biroq bu safar AQSh tomoni Ispaniya terma jamoasi yagona yuridik subyekt emas, balki alohida soliq to‘lovchilardan iborat delegatsiya sifatida baholanishi kerakligini ta’kidlagan.
Shuningdek, AQSh Kongressi vakillari xorijiy delegatsiyalar mamlakat soliq qonunchiligi talablarini oldindan inobatga olishi lozimligini bildirgan. Ayrim qonunchilar esa Ispaniyaga nisbatan qo‘llanayotgan yuqori soliq stavkasini tanqid qilgan.
Eslatib o‘tamiz, JCH–2026 finalida Ispaniya terma jamoasi Argentinani 1:0 hisobida mag‘lub etib, tarixida navbatdagi jahon chempionligi unvonini qo‘lga kiritgan edi.
