Toshkentdan Yekaterinburgga uchgan samolyot Ostonaga yo‘naltirildi
Bunga Yekaterinburg aeroportida joriy etilgan cheklovlar sabab bo'ldi.
Yekaterinburg aeroportida joriy etilgan vaqtinchalik cheklovlar sabab Toshkent—Yekaterinburg yo‘nalishidagi aviareys Ostonadagi zaxira aeroportiga yo‘naltirildi.
Uzbekistan Airways ma’lumotiga ko‘ra, 2026-yil 25-iyul kuni amalga oshirilayotgan HY9661 reysi Yekaterinburg aeroportida joriy etilgan cheklovlar tufayli Qozog‘istonning Ostona shahridagi zaxira aeroportiga qo‘ngan.
Shu munosabat bilan Toshkent—Yekaterinburg—Toshkent yo‘nalishidagi HY9661/HY9662 qatnovlari o‘zgartirilgan jadval asosida amalga oshiriladi.
Yangilangan jadvalga ko‘ra:
-
HY9661 reysi Ostonadan soat 13:30 da jo‘nab, Yekaterinburgga soat 15:00 da yetib boradi.
-
HY9662 reysi esa Yekaterinburgdan soat 16:00 da jo‘nab, Toshkentga soat 18:50 da yetib keladi.
