AQShning Sietl shahrida O‘zbekiston Bosh konsulxonasi rasman ochildi
Bu Tinch okeani shimoli-g‘arbiy mintaqasida mamlakatning birinchi konsullik muassasasi hisoblanadi.
AQSHning Sietl shahrida O‘zbekiston Respublikasi Bosh konsulxonasi rasman ochildi. Bu haqda O‘zbekiston Prezidenti Administratsiyasi rahbarining shartnoma asosida jalb qilinadigan maslahatchisi, Prezident Administratsiyasining AQSHdagi vakili Komil Allamjonov ma’lum qildi.
Allamjonovning qayd etishicha, bu Tinch okeani shimoli-g‘arbiy mintaqasida mamlakatning birinchi konsullik muassasasi bo‘lib, uning ochilishi O‘zbekiston va AQSH o‘rtasidagi aloqalarni yanada rivojlantirish yo‘lidagi muhim qadam.
Yangi Bosh konsulxona savdo, investitsiya, texnologiya, ta’lim hamda xalqlararo aloqalarni yanada mustahkamlashga xizmat qiladi.
