AQSh Eronga tankerlar flotini to‘liq yo‘q qilish bilan tahdid qildi
AQSH urush vazirining so‘zlariga ko‘ra, Eronning tankerlar floti himoyasiz.
AQSh Qurolli kuchlari, agar Tehron AQSh Harbiy-dengiz kuchlari kemalariga hujum qilishda davom etsa, Eronning barcha tankerlar flotiga zarba berib, ularni cho‘ktirishi mumkin. Bu haqda Pentagon rahbari Pit Hegset ma’lum qildi.
«Hammasi oddiy: agar Eron Amerika kemalariga qarata o‘q uzsa, biz ularning tankerlarini yo‘q qilamiz. Ular faqat AQSh Harbiy-dengiz kuchlariga qarata o‘t ochmasliklari kerak», — deb yozdi Hegset X ijtimoiy tarmog‘ida.
Uning so‘zlariga ko‘ra, Eronning tankerlar floti himoyasiz, chunki mamlakatda na harbiy-dengiz kuchlari, na harbiy-havo kuchlari mavjud.
Avvalroq AQSh va Eron Hormuz bo‘g‘ozi hududida joylashgan kemalar va harbiy kemalarga qarshi o‘zaro zarbalar bergan edi.
Tehron, jumladan, ballistik raketalar yordamida AQShning aviatashuvchisi va esminetsiga zarbalar berganini ma’lum qilgan. Vashington esa Eronning uchta tankeriga zarba berganini bildirgan.
