O'zbekiston

Tirbandlik va xavfsizlik masalasi: Zangiotada yangi temiryo‘l o‘tkazgichi ochildi

Yangi inshoot transport oqimini tartibga solish, tirbandliklarni kamaytirish va haydovchi hamda piyodalar uchun xavfsiz harakatlanishni ta’minlashga xizmat qiladi.

Tirbandlik va xavfsizlik masalasi: Zangiotada yangi temiryo‘l o‘tkazgichi ochildi

 

3-oktabr kuni “O‘zbekiston temir yo‘llari” AJ tomonidan Toshkent shahri va Toshkent viloyati kesishmasidagi transport oqimini tartibga solish maqsadida bunyod etilgan yangi temiryo‘l o‘tkazgichi foydalanishga topshirildi.

 

Mazkur inshoot “Sobir Rahimov – O‘rtaovul” bekatlari oralig‘ida, Zangiota tumani hududida joylashgan.

 

Yangi yo‘l o‘tkazgichning ochilish marosimida Toshkent viloyati hokimi Z. Mirzayev, “O‘zbekiston temir yo‘llari” AJ boshqaruvi raisi Z. Narzullayev, transport prokurori I. Narimov, ommaviy axborot vositalari vakillari, mahalliy aholi va boshqalar ishtirok etdi.

 

“Sobir Rahimov – O‘rtaovul” bekatlari oralig‘idagi 3384-kilometr, PK-2 da mavjud temiryo‘l kesishmasi o‘rnida barpo etilgan inshoot qurilishi davomida keng ko‘lamli qurilish-montaj ishlari amalga oshirildi.

 

Xususan, loyiha doirasida uzunligi 23,6 metr bo‘lgan ikki yo‘llik yangi temiryo‘l ko‘prigi qurilib, temiryo‘l izlari qayta o‘z joyiga qaytarildi. Shuningdek, 1200 metr uzunlikdagi aylanma temiryo‘l va avtomobil yo‘li barpo etildi.

 

To‘siq devor poydevori uchun 237 dona svay burg‘ulandi. Uning 11 ming kub metrdan ortiq qismiga beton quyildi. Bundan tashqari, 800 metr kontakt tarmog‘i ko‘chirib o‘tkazildi.

 

Qurilish jarayonida jami 60 ming kub metr tuproq ishlari bajarildi. Hududdagi yomg‘ir va qor suvlarini xavfsiz chiqarib yuborish uchun ikkita suv inshooti o‘rnatildi. Shuningdek, zamonaviy avtomobil va piyodalar yo‘laklari qurib bitkazildi.

 

Yangi temiryo‘l o‘tkazgichining foydalanishga topshirilishi Zangiota tumani aholisi hamda hudud orqali harakatlanuvchi transport vositalari uchun qo‘shimcha qulaylik yaratadi.

 

Inshoot hududdagi tirbandliklarni kamaytirish, yo‘l harakatiga sarflanadigan vaqtni tejash, avtomobil yo‘llaridagi yuklamani pasaytirish hamda haydovchi va piyodalar uchun xavfsiz harakatlanishni ta’minlashga xizmat qiladi.

Avtobus oynalari nega qoraytirilgan? “Toshshahartransxizmat” sababini tushuntirdi

Avtobus oynalari nega qoraytirilgan? “Toshshahartransxizmat” sababini tushuntirdi

Toshkent avtobuslaridagi qoraytirilgan oynalar va ishlamayotgan elektron tablolar yuzasidan e’tirozlar bildirilgan edi.

Toshkentda havo sifati o‘zgaradi: kechasi ayrim soatlarda "nosog‘lom" darajaga yetishi mumkin

Toshkentda havo sifati o‘zgaradi: kechasi ayrim soatlarda "nosog‘lom" darajaga yetishi mumkin

21-noyabr kuni ertalab AQI bo‘yicha “o‘rtacha” daraja qayd etilishi kutilmoqda.

Kelib chiqishi noma’lum go‘sht: Qarshida xonadondan 425 kg go‘sht topildi

Kelib chiqishi noma’lum go‘sht: Qarshida xonadondan 425 kg go‘sht topildi

Go‘shtning iste’molga yaroqliligi yuzasidan laboratoriya tekshiruvi o‘tkaziladi.

Mahalliy qurilish materiallari qo‘llab-quvvatlanadi: 200 mln dollarlik imtiyozli kredit liniyasi ochiladi

Mahalliy qurilish materiallari qo‘llab-quvvatlanadi: 200 mln dollarlik imtiyozli kredit liniyasi ochiladi

Prezident 31 ta loyiha institutining faoliyatini zamon talablariga moslashtirish, ularga zamonaviy texnologiyalar va ilg‘or yechimlarni joriy etish zarurligini ta’kidladi.

AI-80 bo‘yicha cheklov saqlanadi: Energetika vazirligi sababini tushuntirdi

AI-80 bo‘yicha cheklov saqlanadi: Energetika vazirligi sababini tushuntirdi

Birja savdolariga chiqarilgan benzindan yuqori oktanli benzin va boshqa kimyoviy mahsulotlar ishlab chiqarishda foydalaniladi.

Kumushkonda “Oltin bel” majmuasi barpo etildi: 600 ta ish o‘rni yaratildi

Kumushkonda “Oltin bel” majmuasi barpo etildi: 600 ta ish o‘rni yaratildi

Majmua bir vaqtning o‘zida 6 ming nafargacha mehmonlarga xizmat ko‘rsatish imkonini beradi.

Toshkent metrosida yo‘lovchilar oqimi 20 foizga oshdi: metropoliten murojaat bilan chiqdi

Toshkent metrosida yo‘lovchilar oqimi 20 foizga oshdi: metropoliten murojaat bilan chiqdi

Gavjumlikni kamaytirish uchun Chilonzor bekati o‘rniga «Mirzo Ulug‘bek», Xalqlar do‘stligi bekati o‘rniga esa «Milliy bog‘» bekatidan foydalanish tavsiya etilmoqda.

30 mingga yaqin pedagog kasbiy sinovdan o‘ta olmadi: har 9 pedagogdan faqat 2 nafari sertifikat oldi

30 mingga yaqin pedagog kasbiy sinovdan o‘ta olmadi: har 9 pedagogdan faqat 2 nafari sertifikat oldi

Eng yuqori natija Samarqand davlat chet tillar instituti bitiruvchilarida qayd etildi.