Qayd etilishicha, soat 15:00 atrofida Uchqo‘rg‘on tumani “Qumto‘g‘on” MFY Yangiobod ko‘chasida Uchqo‘rg‘on tumanida yashovchi, 1996 yilda tug‘ilgan haydovchi “Nexia-3” rusumli avtomashinasini boshqarib borayotib, harakat xavfsizligini taʼminlay olmay, yo‘lni kesib o‘tayotgan piyoda, Uchqo‘rg‘on tumanidagi maktabning 7-sinf o‘quvchisini urib yuborgan.
Oqibatda 13 yoshli bola olgan tan jarohati tufayli shifoxonada vafot etgan.
Ushbu holat bo‘yicha Uchqo‘rg‘on tuman IIB huzuridagi TB tomonidan Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Eslatib o‘tamiz, bundan avval Yakkasaroy tumanida sodir bo‘lgan YTHda haydovchi vafot etgani hamda haydovchining ehtiyotsizligi, tezlikni oshirishi natijasida 21 yoshli bola halok bo‘lgani haqida xabar berilgandi.
Cho‘lponoy Ahmedova