Qonunchilikda belgilangan tartibda jarima rasmiylashtirilib, qum-shag‘al qazishga jalb etilgan texnikalar vaqtincha maxsus joyga joylashtirildi. Bu haqda Davlat ekologiya qo‘mitasi matbuot xizmati xabar bermoqda.
Lekin ekoinspektorlar huzurida X.ismli shaxs paydo bo‘lib, mazkur “biznes” unga tegishli ekani hamda bu “ishni” imi-jimida yopishni so‘raydi. Buning uchun 4 000 AQSH dollari miqdorida pora taklifqiladi.
Davlat ekologiya qo‘mitasi xodimlari bu taklifni keskin rad etib, huquqni muhofaza qilish organlariga murojaat qilishdi. Aybdor esa ularga yana boshqa yo‘llar bilan taʼsir o‘tkazishga harakat qiladi. Natijada, u ekologiya va atrof-muhitni muhofaza qilish sohasida nazorat inspektoriga pora berishga urinayotganda tegishli organ xodimlari tomonidan voqea joyida qo‘lga olindi.
Hozirda ushbu holat yuzasidan tegishli idoralar tomonidan dastlabki surishtiruv ishlari olib borilmoqda.