Аҳолининг айрим тоифаларига 500 минг сўмдан ёрдам берилади
«Кам таъминланган ва ижтимоий ҳимояга муҳтож оилалар фарзандларини қўллаб-қувватлашнинг қўшимча чора-тадбирлари тўғрисида» Президент қарори (ПҚ–5204-сон, 30.07.2021 й.) қабул қилинди.
Қарорга кўра, август ойида аҳолининг қуйидаги қатламларига 500 минг сўмдан бир марталик моддий ёрдам кўрсатилади:
- боқувчисини йўқотганлик пенсияси ёки нафақасини олувчи оилаларнинг 18 ёшга тўлмаган фарзандларига;
- ногиронлиги бўлган 18 ёшга тўлмаган болаларга.
Қорақалпоғистон Республикаси Вазирлар Кенгаши Раиси, вилоятлар, Тошкент шаҳар, туман (шаҳар) ҳокимлари, сектор раҳбарлари ҳамда Маҳалла ва оилани қўллаб-қувватлаш вазирлиги ҳудудий бўлинмалари раҳбарлари – "Темир дафтар”га киритилган оилаларнинг 18 ёшгача бўлган фарзандлари сонидан келиб чиқиб, тўлов ведомостларини шакллантиради ва туман (шаҳар) маҳалла ва оилани қўллаб-қувватлаш бўлимлари орқали уларга моддий ёрдам пулларининг 25 августгача манзилли етказилишини таъминлайди.
