АҚШ Шимолий Корея хакерлар гуруҳига санкция жорий этди
У 620 миллион долларлик криптовалюта ўғирлашда айбланмоқда.
АҚШ Lazarus Group хакерлар гуруҳига қарши санкция жорий этди. Бу ҳақда мамлакат молия вазирлиги хабар берди.
Вашингтон бу гуруҳни КХДР билан алоқадорликда гумон қилиб келади. Молия вазирлиги унга тегишли рақамли ҳамёнларни қора рўйхатга киритган. Шу билан бирга Lazarus Group'нинг Пхеньянда жойлашгани қайд этилган.
Ўз навбатида АҚШ федерал қидирув бюроси пайшанба куни шу ва бошқа хакерлик APT3 гуруҳини 620 миллион долларлик Ethereum криптовалютасини ўғирлашда айблади.
Lazarus Group'га қарши асосий санкциялар 2019 йилда жорий этилган.
Аввалроқ Франция БМТда Шимолий Кореянинг киберсоҳасига санкциялар жорий этишни таклиф қилганди.
