АҚШ Яманга ҳужум уюштирди
Ҳарбийлар, шунингдек, бир нечта дронларни уриб туширишган.
АҚШ ҳарбийлари Яманга янги зарбалар берди. Бу ҳақда АҚШ Қуролли кучлари марказий қўмондонлиги Х ижтимоий тармоғида хабар берди.
Қайд этилишича, 16 март куни соат 21:00 дан 22:30 гача Америка қўшинлари Яманнинг ҳутий исёнчилари назорати остидаги ҳудудларида бешта ерусти ва битта дронни йўқ қилган.
Қўшимча қилинишича, шу куни ҳутийлар Қизил денгиз йўналиши бўйича иккита учувчисиз учиш аппаратини учирган, улардан бири уриб туширилган, иккинчиси сувга қулаган.
Эслатиб ўтамиз, аввалроқ Яман шимолида ҳукмронлик қилаётган “Ансор Аллаҳ” (ҳутийлар) ҳаракати Қизил денгизда Американинг “Пиноккио” кемасига ҳужум уюштиргани ҳақида хабар берилганди.
