АҚШда мол гўшти тақчиллиги тобора кучайиб бормоқда
Бунга Трампнинг янги тарифлари сабаб бўляпти.
АҚШда мол гўшти тақчиллиги тобора кучайиб бормоқда, бу эса собиқ президент Доналд Трамп таклиф қилган янги тарифлар туфайли янада оғирлашиши мумкин. Меҳнат статистикаси бюроси маълумотларига кўра, 2020 йилдан буён қийма гўштнинг нархи 45 фоизга ошди, бу умумий инфляция даражасидан деярли икки баравар юқори. Мутахассисларнинг таъкидлашича, бу ҳолат юқори талаб ва чекланган таклиф билан боғлиқ.
Охирги йилларда АҚШ мол гўшти импортига таяниб келган. Масалан, 2023 йилда мамлакат 2 миллион бош тирик қорамол ва 2,1 миллиард кг гўшт импорт қилган, бу рекорд даражадаги кўрсаткичдир. Бироқ, Трамп 2 апрелдан бошлаб мол гўшти импортига янги тарифлар жорий этишини эълон қилди. У америкалик фермерларни ички ишлаб чиқаришни оширишга чақирди.
The Econimist нашрининг ёзишича, бу чекловлар маҳаллий чорвадорларга қисқа муддатли фойда келтириши мумкин, аммо узоқ муддатда мураккаб муаммоларни келтириб чиқаради. Нархларнинг кескин ошиши фермерларни қорамол подаларини кўпайтириш ўрнига мавжуд захираларни сотишга ундаши мумкин. Шу билан бирга, истеъмолчилар мол гўшти ўрнига муқобил маҳсулотларга ўтиши эҳтимоли юқори.
