8 mart — Xalqaro xotin-qizlar kuni munosabati bilan Kinematografiya agentligi buyurtmasiga binoan suratga olingan rejissyor Jamila Po‘latovaning “Ayol qalbi” badiiy filmining katta premyerasi o‘tkazildi.
Premyera avvalida Kinematografiya agentligi va Milliy kinematografiyani rivojlantirish Markazi tomonidan barcha ayol kinoijodkorlar bayram bilan tabriklanib, ularga sovg‘alar ulashildi. So‘ngra, sahnaga film ijodkorlari taklif qilinib, jamoaga kelgusidagi ishlarida muvaffaqiyat tilashdi.
Tomoshabinlar uchun Tokio-2020 yozgi Paralimpiya o‘yinlari chempioni Safiya Burxanova haqidagi "Matonat maktabi" qisqa metrajli hamda “Ayol qalbi” badiiy filmlari namoyish etildi.