Бахтиёр Саидов бошчилигидаги делегация Қозоғистонга кетди
Бугун Остонада «C5+1» шаклидаги Вазирлар йиғилиши бўлиб ўтади.
Ўзбекистон Республикаси ташқи ишлар вазири в.б. Бахтиёр Саидов бошчилигидаги мамлакатимиз делегацияси 2023 йил 28 февраль куни Остона шаҳрида (Қозоғистон Республикаси) бўлиб ўтадиган «C5+1» шаклидаги Вазирлар йиғилишида иштирок этади.
Тадбир давомида Ўзбекистон Республикаси, Қозоғистон Республикаси, Қирғиз Республикаси, Тожикистон Республикаси, Туркманистон ва Америка Қўшма Штатлари ташқи сиёсат идоралари раҳбарлари томонларни қизиқтирган соҳаларда мазкур механизм доирасидаги ҳамкорликнинг долзарб масалаларини муҳокама қиладилар.
